കണ്ണൂർ: ബാലതാരമായെത്തി തിളങ്ങിയ ഹരിമുരളി വീട്ടില് മരിച്ച നിലയില്. രസികന്, അണ്ണന് തമ്പി, മാടമ്പി തുടങ്ങിയ സിനിമകളിൽ ശ്രദ്ധേയമായ വേഷങ്ങളാണ് ഹരി ചെയ്തത്. പയ്യന്നൂരിലെ വീട്ടിലാണ് താരത്തെ മരിച്ച നിലയില് കണ്ടെത്തിയത്.
വി.എഫ്.എക്സ് ആർട്ടിസ്റ്റായി ജോലി ചെയ്യുകയായിരുന്നു ഹരിമുരളി. കുട്ടിക്കാലത്ത് അച്ഛന്റെ കൂടെ നാടകക്യാമ്പുകളിൽ പങ്കെടുത്തതാണ് ഹരിമുരളിക്ക് അഭിനയത്തിലേക്ക് കടക്കാൻ പ്രചോദനമായത്. എ.എം. നസീർ സംവിധാനംചെയ്ത് ദിനേഷ് പള്ളത്ത് തിരക്കഥയെഴുതിയ പരമ്പരയിലൂടേയാണ് അരങ്ങേറ്റം. ആറരവയസ്സുള്ളപ്പോഴാണ് ‘രസികനി’ലെ വേഷം ചെയ്യുന്നത്.