ഏറ്റുമാനൂർ : കോട്ടയം ഏറ്റുമാനൂരിൽ സ്വകാര്യ ബസ്സുകൾ കൂട്ടിയിടിച്ച് യാത്രക്കാരന് പരിക്ക്. കോട്ടയം എറണാകുളം റൂട്ടിൽ സർവീസ് നടത്തുന്ന ജയൻ എന്ന ലിമിറ്റഡ് സ്റ്റോപ്പ് ബസാണ് അതിരമ്പുഴ റൂട്ടിൽ സർവീസ് നടത്തുന്ന ജാക്വിലിൻ ബസ്സിൽ ഇടിച്ചത്.
ഏറ്റുമാനൂർ ബസ്റ്റാൻഡിൽ നിന്നും എറണാകുളം ഭാഗത്തേക്ക് പോകാൻ ഇറങ്ങിയ ജയൻ എന്ന ബസ് , അമിത വേഗത്തിൽ എത്തി അതിരമ്പുഴ റൂട്ടിലേക്ക് തിരിയുകയായിരുന്ന ജാക്വിലിനിൽ ഇടിക്കുകയായിരുന്നു. ജാക്വിലിൻ്റെ പിന്നിലാണ് ജയൻ ബസ് വന്നിടിച്ചത്. ഇടിയുടെ ആഘാതത്തിൽ ജയൻ ബസിൻ്റെ മുൻ ഭാഗവും , ജാക്വിലിൻ്റെ പിൻ ഭാഗവും തകർന്നു. അപകടത്തെ തുടർന്ന് എം സി റോഡിൽ ഗതാഗത തടസവും ഉണ്ടായി.