കൊച്ചി: കുംഭമേള വൈറല് പെണ്കുട്ടിക്കും പങ്കാളിയായ ഫര്മാനുമായി തിരച്ചില് വ്യാപിപ്പിച്ച് മധ്യപ്രദേശ് പൊലീസ്. പെൺകുട്ടിയേയും ഭർത്താവ് മുഹമ്മദ് ഫർമാനെയും നേരിൽ കാണണമെന്ന കർശന നിലപാടിൽ ഉറച്ച നിൽക്കുകയാണ് മധ്യപ്രദേശ് പൊലീസ്.
കഴിഞ്ഞ ദിവസം കൊച്ചിയിലെത്തിയ മധ്യപ്രദേശ് പൊലീസ് ഇപ്പോഴും നഗരത്തിൽ തുടരുകയാണ്. എന്നാൽ പൊലീസിനു മുമ്പാകെ ഹാജരാകേണ്ടതില്ലെന്നാണ് പെൺകുട്ടിയുടെ തീരുമാനമെന്നാണ് വിവരം. പെണ്കുട്ടിയെ കണ്ടെത്താനായി കൊച്ചി പൊലീസിന്റെ സഹായവും തേടിയിട്ടുണ്ട്. പെണ്കുട്ടിയും കഴിഞ്ഞ ദിവസം സംരക്ഷണം തേടി കൊച്ചി പൊലീസിന് അപേക്ഷ നല്കിയിരുന്നു. മധ്യപ്രദേശിലേക്ക് കൊണ്ടുപോകാന് അനുവദിക്കരുതെന്നാണ് പെണ്കുട്ടിയുടെ ആവശ്യം. തനിക്ക് 18 വയസ്സായിട്ടുണ്ടെന്നും തന്റെ സ്വന്തം ഇഷ്ടപ്രകാരമാണ് കേരളത്തില്നിന്ന് നില്ക്കുന്നതെന്നും പെണ്കുട്ടി പറഞ്ഞിരുന്നു. വയസ്സ് തെളിയിക്കുന്നതിന് ആവശ്യമായ രേഖകളും സമര്പ്പിച്ചിട്ടുണ്ട്.