പൂഞ്ഞാര്: ശക്തമായ ത്രികോണ മല്സരം നടക്കുമെന്ന് പ്രതീക്ഷിച്ച പൂഞ്ഞാര് നിയോജക മണ്ഡലത്തില് എന്ഡിഎ സ്ഥാനാര്ഥിയും മുന് എംഎല്എയുമായ പിസി ജോര്ജ് മൂന്നാമത്.
ആദ്യ നാല് റൗണ്ട് പൂര്ത്തിയാകുമ്പോള് 8474 വോട്ടുകള് മാത്രമാണ് പിസി ജോര്ജിന് നേടാനായത്. തെരഞ്ഞെടുപ്പിന് ശേഷം വിജയിക്കുമെന്ന ഉറച്ച പ്രതീക്ഷയിലായിരുന്നു പിസി ജോര്ജ്.
16265 വോട്ടുമായി ഇടതുമുന്നണി സ്ഥാനാര്ഥി അഡ്വ. സെബാസ്റ്റ്യന് കുളത്തുങ്കല് ഒന്നാം സ്ഥാനത്തും 15965 വോട്ടുമായി യുഡിഎഫ് സ്ഥാനാര്ഥി അഡ്വ. സെബാസ്റ്റ്യന് എംജെ രണ്ടാം സ്ഥാനത്തുമാണുള്ളത്.
നിലവില് കേരളത്തിലാകെ ശക്തമായ ഭരണവിരുദ്ധ വികാരം നിലനില്ക്കുന്നതിന്റെ ലക്ഷണങ്ങളാണ് ആദ്യഘട്ടങ്ങളിലെ വോട്ടെണ്ണല് ഫലം നല്കുന്നത്. യുഡിഎഫ് 100 ഇടത്ത് ലീഡ് ചെയ്യുമ്പോള് ധര്മടത്ത് മുഖ്യമന്ത്രി പിണറായി വിജയന് അടക്കം 13 മന്ത്രിമാര് തോല്വി അഭിമുഖീകരിക്കുകയാണ്.