മലപ്പുറം മങ്കട പഞ്ചായത്തംഗം ബസ് കാത്തു നിൽക്കവെ വാഹനമിടിച്ച് ​ മരിച്ചു

മലപ്പുറം: മങ്കടയിൽ വാഹനാപകടത്തിൽ പഞ്ചായത്ത് അംഗം മരിച്ചു. മങ്കട പഞ്ചായത്ത് നാലാം വാര്‍ഡ് അംഗം സി.പി. നസീറയാണ് (48) മരിച്ചത്. ഇന്നലെ വൈകുന്നേരമായിരുന്നു സംഭവം.

ബസ് കാത്തുനിൽക്കുന്നതിനിടെ നിയന്ത്രണം വിട്ടു വന്ന വാഹനം നസീറയെ ഇടിക്കുകയായിരുന്നു. ഉടൻ തന്നെ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല.