തിരുവനന്തപുരം: എൽഡിഎഫിൽ തന്നെ തങ്ങൾ ഉറച്ചുനിൽക്കുമെന്ന് കേരള കോൺഗ്രസ് എം ചെയർമാൻ ജോസ് കെ മാണി പ്രഖ്യാപിച്ചതിന് പിന്നാലെ കെ എം മാണി ഫൗണ്ടേഷന് തിരുവനന്തപുരം നഗരത്തില് സ്ഥലം അനുവദിച്ച് സർക്കാർ. മുപ്പത് വര്ഷത്തേക്ക് പാട്ടത്തിന് നല്കാനാണ് തീരുമാനം.
തിരുവനന്തപുരം വെള്ളയമ്പലത്തുള്ള വാട്ടര് അതോറിറ്റിയുടെ കൈവശമുള്ള 25 സെന്റ് ഭൂമിയാണ് ഫൗണ്ടേഷന് 30 വര്ഷത്തേക്ക് പാട്ടത്തിന് നല്കി തീരുമാനമെടുത്തത്. ഭൂമി മറ്റ് ആവശ്യങ്ങള്ക്ക് ഉപയോഗിക്കരുത്, ഉപപാട്ടത്തിനോ തറവാടകയ്ക്കോ നല്കാന് പാടില്ല തുടങ്ങിയ ഉപാധികളോടെയാണ് ഫൗണ്ടേഷന് സര്ക്കാര് ഭൂമി കൈമാറിയിട്ടുള്ളത്.
അതേസമയം ആറ് വര്ഷം കഴിഞ്ഞിട്ടും ഇടത് സര്ക്കാര് വാഗ്ദാനം ചെയ്ത കെഎം മാണി സ്മാരകത്തിന്റെ കാര്യത്തില് തീരുമാനം ഉണ്ടാകാത്തതില് കേരള കോണ്ഗ്രസ് എം പ്രവര്ത്തകരില് വലിയ അമര്ഷം ഉണ്ടായിരുന്നു.